L´Asociación Cultural Cuaternariu Cantábricu naz en 1999 entamada pol equipu de
profesionales y voluntarios que dende 1995 participaren nos proyeutos d´escavación y
investigación arqueopaleontolóxicos del Llaboratoriu de Prehistoria de Proaza
(Asturies).
El nuestru oxetivu ye dar puxu a la investigación y
esparder el conocimientu de la Prehistoria d´Asturies, n´especial los aspeutos
rellacionaos cola flora y la fauna contemporanies del home primitivu y les rellaciones
d´ésti col so mediu ambiente.
Tamién queremos aportar sofitos a la formación y la
participación de los asociaos como voluntarios n´escavaciones arqueopaleontolóxiques y
demás proyeutos, entamando actividaes, cursos, conferencies, esposiciones, escursiones,
talleres d´esperimentación y de restauración, divulgación de publicaciones recientes
sobre estes materies, etc.
La A. C. Cuaternariu Cantábricu tien la so sede nel Llaboratoriu de la Prehistoria de Proaza, Pozu Faustón,
33114 Proaza, Asturies, España.
